300 g síríus suðusúkkulaði, 4 egg, 3-4 hnetukjarnar (val- eða heslihnetur), 4 dl sykur, 200 g brætt smjör, 4 dl hveiti, 2 tsk lyftiduft.
Brytjið 200 g af súkkulaðinu og bræðið það yfir vatnsbaði. Brytjið hneturnar. Þeytið eggin og sykurinn vel, bætið bræddu smörinu, þurrefnunum, súkkulaðinu og hnetunum út í og hrærið vel. Smyrjið deiginu í ofnskúffu og bakið í u.þ.b. 175°C í 25 mín. neðst í ofni. Kælið og skerið niður í litla bita. Bræðið afganginn af súkkulaðinu (100 g) í vatnsbaði og setjið ofan á bitana.
